Ahashyizwe umurambo wa Magufuli i Dodoma
mar
22
2021
John Magufuli: Tshisekedi, Mnangagwa na Ramaphosa i Dodoma kumusezeraho bwa nyuma
Abaperezida 10 b'ibihugu bya Africa biteganyijwe ko bagera i Dodoma mu murwa mukuru wa Tanzania ahabera uyu munsi umuhango wa leta wo gusezeraho John Magufuli.
Perezida Félix Tshisekedi wa DR Congo na Emmerson Mnangagwa wa Zimbabwe bamaze kugera muri Tanzania gusezera bwa nyuma kuri Magufuli.
Ibiro bya perezida Cyril Ramaphosa wa Africa y'Epfo byatangaje ko nawe uyu munsi yageze i Dodoma muri uwo muhango, ubera ku rubuga rwa Jamhuri i Dodoma.
Perezida Magufuli yatabarutse mu cyumweru gishize azize uburwayi bw'umutima, nk'uko byatangajwe na Samia Suluhu Hassan, wahise amusimbura.
Abakuru b'ibihugu birimo Kenya, Zambia, Morocco, Namibia, Malawi na Botswana nabo bari mu bitezwe i Dodoma uyu munsi.
Abandi bategerejwe barimo minisitiri w'intebe w'u Rwanda, visi perezida w'u Burundi, minisitiri w'ububanyi n'amahanga wa Angola n'intumwa z'imiryango y'ibihugu Tanzania ibamo nka SADC na EAC.
Nyuma yo gusezerwaho i Dodoma umurambo wa Magufuli uzajyanwa gusezerwaho muri Zanzibar, na Mwanza mbere yo gusezerwaho bwa nyuma no gushyingurwa aho akomoka hitwa Chato mu majyaruguru ya Tanzania.
Gusezera Magufuli i Dodoma
Umwe mu badepite asinya mu gitabo cyo gusezeraho Magufuli i Dodoma
Bamwe mu badepite n'abaminisitiri mu marira aho uyu muhango uri kubera
https://www.bbc.com/gahuza/amakuru-56480700