Jan
19
2016

Imihindagurikire y'ikirere ngo iri gutera igihombo abahinzi

Minisiteri y’ubuhinzi n’ubworozi iravuga ko ibibazo by’imihindagurikire y’ikirere biza ku isonga mu biri gutuma abanyarwanda babona umusaruro muke mu bihe by’ihinga. Ishami ry’umuryango w’abibumbye ryita ku buhinzi ryo riravuga ko ingaruka z’inzara zirimo guterwa ahanini n’imihindagurikire y’ibihe zizakemurwa no guteza imbere ikoranabuhanga mu buhinzi cyane cyane iryo mu bihugu byateye imbere.
Mu ihuriro rigamije iterambere ry’ubuhinzi mu bihugu biri mu nzira y'iterambere by’ afrika ryatangiye I Kigali kuri uyu wakabiri, basanze icyuho kiri mu buhinzi giterwa no kudakoresha ikoranabuhanga.
Ministri w'ubuhinzi n'ubworozi mu Rwanda, Madame Geraldine Mukeshimana avuga ko igisubizo cy'iki kibazo cy'abanyarwanda kitari hafi, ariko ko nihifashishwa ikoranabuhanga riteye imbere bizatuma ibi bibazo bigabanuka.

Inkuru dukesha Jean Paul Mbarushimana, wa radiyo Isango Star.

Langues: 
Genre journalistique: 
Thématiques: 

Partager